1 ປ່ຽງ · ງ່າຍ · 20 ນາທີ · ₭ ຖືກ

ພິດຊ່າ ຫວຽດວ່າຊັ້ນ! ເຮັດງ່າຍໆ ແຖມແຊບອີກ. ລອງໄປເຮັດເລີຍ !!

ວິດິໂອ

ເຄື່ອງປຸງ

• ແຜ່ນຢໍ່ຂາວ 1 ອັນ
• ປູອັດ 1 ອັນ, ໃຊ້ ຮອດດ໋ອກແທນກໍ່ໄດ້ (ຈີກເປັນເສັ້ນນ້ອຍ)
• ຊີ້ນໝູບົດສົດ 1 ບ່ວງແກງ, ເອົາໄປຂົ້ວໃສ່ນ້ຳມັນ ເກືອ ພິກໄທ ໃຫ້ສຸກກ່ອນ
• ໄຂ່ໄກ່ 1 ໜ່ວຍ
• ເບີເຄັມ 1 ບ່ວງແກງ
• ຫອມບົ່ວໃບ 1 ບ່ວງແກງ
• ຈຽວຜັກບົ່ວ 1 ບ່ວງແກງ
• ພິກໄທດຳປົ່ນ ½ ບ່ວງກາເຟ
• ສະອິ້ວ 1 ບ່ວງກາເຟ
• ຊ໊ອດໝາກເຜັດ 1 ບ່ວງແກງ, ໜ້ອຍຫລາຍຕາມໃຈມັກເຜັດ

ວິທີເຮັດ

1. ວາງແຜ່ນຢໍ່ຂາວລົງຕານ່າງເຕົາປີ້ງ

2. ທາເນີຍໃສ່ແຜ່ນຢໍ່ໃຫ້ທົ່ວ

3. ໃສ່ໄຂ່ແດງລົງໄປກ່ອນ ແລ້ວຈິ່ງເອົາໄຂ່ຂາວລົງ. ທາໄຂ່ໃຫ້ທົ່ວແຜ່ນ

4. ໃສ່ໝູສັບ ແລະ ປູອັດລົງໄປໃຫ້ເຕັມແຜ່ນ

5. ໂຮຍພິກໄທໃສ່, ຕາມດ້ວຍ ຫອມບົ່ວໃບ, ແລະ ຫອມບົ່ວຈຽວ

6. ໃສ່ສະອິ້ວ ຈັກ 2-3ຢົດ ແລະ ໃສ່ຊ໋ອດໝາກເຜັດ ລົງໄປຕາມມັກ.

7. ເອົາອອກ ຈາກເຕົາ ກຽມແຊບໄດ້ !