4 ຄົນ · ປານກາງ · 80 ນາທີ · ₭ ປານກາງ

'ຕົ້ມເຄັມຫມູສາມຊັ້ນ(ບໍ່ໄດ້ໃສ່ເຄື່ອງເທດ)' ສູດນີ້ແບບ ບ້ານໆແທ້ໆ ກິນແຕ່ຍັງນ້ອຍ ຕອນນີ້ຍັງມັກກິນເເບບນີ້ຢູ່ ເພາະມັນບໍ່ລ໋ຽນ ແລະ ກິນໄດ້ຫລາຍ. ເລື່ອງໜ້າທ້ອງ ຂອງຜູ້ກິນບໍ່ຕ້ອງເວົ້າເຖິງ :)

ເຄື່ອງປຸງ

• ໝູສາມຊັ້ນ 400 ກຣາມ, ລ້າງແລ້ວຊອຍເປັນຕ່ອນນ້ອຍພໍຄຳ
• ນ້ຳມັນພືດ 1 ບ່ວງແກງ
• ນ້ຳຕານ 1 ຖ້ວຍນ້ອຍ
• ກະທຽມ 4 ກີບ, ແກະເປືອກແລະທຸບ
• ຫອມບົ່ວແດງ 4 ຫົວ, ແກະເປືອກແລະທຸບ
• ຂີງສົດ 1 ຫົວ, ຊອຍບາງ
• ເກືອ 1 ບ່ວງກາເຟ
• ພິກໄທດຳປົ່ນ ½ ບ່ວງກາເຟ
• ນ້ຳປາ 1 ບ່ວງແກງ
• ສະອິ້ວດຳ 1 ບ່ວງແກງ
• ແປ້ງນົວ ½ ບ່ວງກາເຟ, ບໍ່ໃສ່ກະໄດ້
• ນ້ຳ 2 ລິດ

ວິທີເຮັດ

ຂັ້ນຕອນ 1. ເອົານ້ຳມັນໃສ່ຫມໍ້+ນ້ຳຕານ ຂົວຈົນນ້ຳຕານເຫລືອງ(ໃຊ້ໄຟອ່ອນ)

ຂັ້ນຕອນ 2. ຈາກນັ້ນໃສ່ຫອມບົວແດງ ແລະ ກະທຽມ ທຸບ ແລ້ວຈຽວຈົນເຫລືອງ ແລ້ວໃສ່ຂີງ ຕາມດ້ວຍຫມູ+ພິກໄທ+ເກືອ+ນ້ຳປາ ແລ້ວໃສ່ນ້ຳ

ຂັ້ນຕອນ 3. ຈາກນັ້ນໃສ່ຊີອິວດຳ+ໄຂ່ໄກ່(ໃຊ້ໄຟປານກາງ) ຕົ້ມປະມານ 45-60 ນາທີ ຫລືຈົນກວ່ານ້ຳໃນຫມໍ້ຈະເຫລືອ1/3ຂອງນ້ຳທີ່ໃສ່ໄປທຳອິດ, ກ່ອນຈະປິດໄຟໃສ່ແປ້ງນົວ ແລ້ວຊິມ ສາມາດປຸງຕື່ມຕາມໃຈມັກ ແລ້ວປິດໄຟ ພ້ອມເສີບ. ແຊບ!