2 ຄົນ · ປານກາງ · 30 ນາທີ · ₭ ປານກາງ

ສວາຍໆ ແບບນີ້ ໄດ້ປາມາສົດໆ ເອົາມາແກງເນາະ. ມື້ນີ້ ເຮັດ ແກງປາໃສ່ສົ້ມ ໝາກຂາມ ແລະ ໝາກເລັ່ນ. ຊົດຮ້ອນໆນີ້ຄັກສຸດ. ມາເບິ່ງ ສູດ ແລະ ຂັ້ນຕອນ ການເຮັດນຳກັນເລີຍ.

ເຄື່ອງປຸງ

• ປານ້ຳຈືດ ເປັນຕ່ອນ 500 ກຣາມ
• ນ້ຳ 1 ລິດ
• ໝາກຂາມປຽກ 3 ບ່ວງແກງ
• ຄະນໍກ້ອນ ລົດໄກ່ 1 ກ້ອນ
• ນ້ຳປາ 2 ບ່ວງແກງ
• ເກືອ 1 ບ່ວງກາເຟ
• ໃບຂີ້ຫູດ 6 ໃບ
• ຫົວສີໄຄ 2 ກ້ານ
• ຂ່າ 6 ປ່ຽງ
• ຫມາກເລັ່ນນ້ອຍ 5 ໜ່ວຍ
• ເຜັດດິບ 2 ໜ່ວຍ
• ຫອມບົ່ວໃບ 2 ບ່ວງແກງ
• ຫອມປ້ອມ 3 ບ່ວງແກງ
• ຜັກເຊນາລີ 3 ບ່ວງແກງ

ວິທີເຮັດ

ຂັ້ນຕອນ 1:ຄ້າງຫມໍ້ໃສ່ນ້ຳ ພ້ອມເກືອ, ຕາມດ້ວຍ ຂ່າ, ຫົວສີໄຄທຸບ, ໃບຂີ້ຫູດ, ແລະ ຫມາກຂາມ ຕົ້ມຈົນຟົດ

ຂັ້ນຕອນ2: ລ້າງປາໃຫ້ສະອາດ. ຜ່າຫມາກເລັ່ນເຄິ່ງ ແລະ ຊອຍຫອມແຍກ ປະໄວ້

ຂັ້ນຕອນ3: ໃສ່ຄະນໍກ້ອນ, ຫມາກເຜັດ ຕັດເຄິ່ງ, ແລະ ຕາມດ້ວຍ ປາ. ຕົ້້ມປະມານ 10 ນາທີ ຫລືຈົນປາສຸກ

ຂັ້ນຕອນ4: ຕື່ມນ້ຳປາ ແລະ ຊີມລົດຕາມໃຈ ຈາກນັ້ນ ໃສ່ຫມາກເລັ່ນແລະ ຜັກຫອມທັງຫມົດລົງ ແລະປິດໄຟ. ພ້ອມເສີບກັບເຂົ້້າຫນຽວ ແລະ ແຈ່ວຫມາກເຜັດດິບ.

ເຄັດລັບ: ກ່ອນໃສ່ປາລົງນ້ຳຕ້ອງຟົດ. ຈາກນັ້ນເວລາໃສ່ປາ ຫ້າມຄົນແຮງ ເພາປາຈະມຸ່ນເຮັດໃຫ້ເສຍລົດຊາດ.