1 ຈານ · ງ່າຍ · 20 ນາທີ · ₭ ປານກາງ

ເຫັນກຸ້ງໃນຕູ້ເຢັນ ບໍ່ຮູ້ຊິເຮັດຫຍັງກິນດີ ເລີຍຈັບມາຕຳແຈ່ວເລີຍຊະ, ຜົນອອກມາແຊບເຫຼືອເຊື່ອ :)

ເຄື່ອງປຸງ

• ກຸ້ງສົດ ຂະໜາດກາງ 20 ໂຕ
• ຫມາກເຜັດດິບແດງ 15 ໜ່ວຍ, ບໍ່ມັກເຜັດບໍ່ໃສ່ຫຼາຍກະໄດ້
• ກະທຽມສົດ 1 ຫົວ
• ຫອມບົ່ວແດງ 5 ຫົວ
• ຫອມບົ່ວໃບ 2 ກ້ານ, ຊອຍ
• ຫອມປ້ອມ 4 ກ້ານ, ຊອຍ
• ປາແດກ 4 ບ່ວງແກງ
• ນ້ຳປາ 2 ບ່ວງແກງ
• ແປ້ງນົວ ½ ບ່ວງແກງ, ບໍ່ມັກບໍ່ໃສ່
• ໝາກນາວ 1 ໜ່ວຍ
• ນ້ຳ 6 ບ່ວງແກງ

ວິທີເຮັດ

1. ຕັ້ງຫມໍ້ ໃສ່ນໍ້າປາແດກ ປະມານ 4 ບ່ວງແກງ ຕື່ມນໍ້າລົງໄປ ປະມານ 6 ບ່ວງແກງ ຖ້າຫມໍ້ຟົດແລ້ວເອົາກຸ້ງລົງຕົ້ມປະມານ 5 ນາທີ ແລ້ວຕັກກຸ້ງອອກໃສ່ຈານ.

2. ເອົາຫມາກເຜັດ, ກະທຽມ, ຫອມບົ່ວແດງ ໄປຫມົກ ສຸກແລ້ວ ນໍາກຸ້ງມາຕໍາລວມກັນ. ຕາມດ້ວຍເຄື່ອງປຸງ ນໍ້າປາ ປາແດກ ແປ້ງນົວ ຫມາກນາວ. ມັກມີນ້ໍາຈໍ້າ ເອາະເຈາະ ຕື່ມນໍ້າຕົ້ມກຸ້ງລົງໄປ. ມັກແບບແຫ້ງໆ ກາບໍ່ໃສ່. ສາມາດໃສ່ເຄື່ອງປຸງ ຕື່ມເພີ່ມຕາມລົດຊາດທີ່ໂຕເອງມັກ.

3. ສຸດທ້າຍຊອຍຜັກບົ່ວ ຫອມປ້ອມ ແລ້ວໆ ກິນໄດ້ ກັບຜັກອັນເດີ ເກີ້ແຊບບບບບບ 😋