2 ຄົນ · ປານກາງ · 30 ນາທີ · ₭ ປານກາງ

ເມນູນີ້ແມ່ນຕົ້ນຕຳຫຼັບມາຈາກອາຫານຫວຽດ, ແຊບ ແລະ ມີຄຸນຄ່າທາງໂພຊະນາການ ແບບຄົບໝູ່. ຖ້າໃຜບໍ່ມັກມັນ ໃຫ້ປ່ຽນເປັນຊີ້ນໝູສ່ວນອື່ນກໍ່ໄດ້.

ວິດິໂອ

ເຄື່ອງປຸງ

• ໝູສາມຊັ້ນ 500 ກຣາມ
• ປາແດກ 2 ບ່ວງແກງ
• ນ້ຳຕານ 2 ບ່ວງແກງ
• ກະທຽມ 4 ກີບ
• ຫມາກເຜັດດິບ 4 ໜ່ວຍ
• ໝາກນາວ 1 ປ່ຽງ

ເຄື່ອງຄຽງ

• ຜັກລວມມິດ 1 ຈານ
• ເສັ້ນເຂົ້າປຸ້ນ 1 ຖ້ວຍນ້ອຍ
• ແຜ່ນຢໍ່ຂາວ

ວິທີເຮັດ

1. ຄ້າງໝໍ້ໃສ່ນ້ຳ ແລ້ວຕົ້ມໝູ (ໃສ່ເກືອໜ້ອຍໜຶ່ງ)ຕົ້ມຈົນສຸກປະມານ 20ຫາ30ນາທີ. ແລ້ວ ເອົາອອກມາຊອຍ ເປັນຕ່ອນບາງ ພໍດີຄຳ.

2. ແຕ່ງແຈ່ວ: ຕຳກະທຽມ ກັບໝາກເຜັດໃຫ້ແຫຼກ, ຕັກໃສ່ຖ້ວຍນ້ອຍ, ໃສ່ປາແດກ, ໝາກນາວ, ນ້ຳຕານ, ກະທຽມຊອຍ, ແລະເຜັດຊອຍ. ຄົນໃຫ້ເຂົ້າກັນ ແລ້ວ ຊີມເບິ່ງຕາມໃຈມັກ.

3. ພ້ອມເສີບໄດ້ ກັບຊີ້ນໝູ, ຜັກ, ເຂົ້າປຸ້ນ, ແຜ່ນຢໍ່ຂາວ, ໝາກແຕງ....ຕາມໃຈມັກ. ຕຽມແຊບໄດ້ :)