2 ຄົນ · ງ່າຍ · 20 ນາທີ · ₭ ປານກາງ

ລວກຊີ້ນ ແມ່ນເມນູໜຶ່ງທີ່ເຮັດງ່າຍໆ ມັກເຮັດກິນ ຍາມມີບຸນບ້ານ ຍາມກິນລ້ຽງກັບໝູ່ແລະພີ່ນ້ອງ.

ເຄື່ອງປຸງ

• ຊີ້ນງົວຂາລາຍ 500 ກຣາມ, ຊອຍຕ່ອນບາງໆ ພໍດີຄຳ
• ໝາກນາວ 1 ໜ່ວຍ
• ເກືອ 1 ບ່ວງກາເຟ
• ແປ້ງນົວ ½ ບ່ວງກາເຟ, ບໍ່ມັກບໍ່ໃສ່
• ຫອມບົ່ວໃບ 4 ກ້ານ, ຊອຍນ້ອຍ
• ຫອມປ້ອມ 4 ກ້ານ, ຊອຍນ້ອຍ
• ຫອມເປ 4 ກ້ານ, ຊອຍນ້ອຍ
• ນ້ຳບີຂົມ 2 ບ່ວງແກງ, ບີທີ່ເຂົາຂາຍເປັນຂວດ
• ປາແດກ 2 ບ່ວງແກງ
• ເຜັດດິບ 1 ບ່ວງແກງ, ໃສ່ເຜັດຜົງກະໄດ້
• ກະທຽມ 2 ກີບ, ຊອຍບາງໆ

ວິທີເຮັດ

1. ຊອຍຊີ້ນບາງໆໃສ່ຖ້ວຍໃຫຍ່ໄວ້.

2. ຕົ້ມນ້ຳໃສ່ ເກືອ ຫົວຂ່າ ໃບຂີ້ຫູດ ແລະໃຫ້ມັນຟົດ.

3. ເອົາຊີ້ນລົງໝໍ້ ມອດໄຟ, ຄົນໄປຄົນມາສອງສາມບາດ ແລ້ວຕັກຊີ້ນອອກໃສ່ຊາມຄືນ.

4. ໃສ່ເກືອ ແປ້ງນົວ ບີບໝາກນາວໃສ່, ແລ້ວຊອຍຫອມໃສ່ ປະໄວ້

5. ເຮັດແຈ່ວ:

ເອົານ້ຳຕົ້ມຊີ້ນນັ້ນອອກໃສ່ຖ້ວຍນ້ອຍ ສາມບ່ວງ +ໃສ່ປາແດກ+ ບີ+ ກະທຽມ+ ໝາກເຜັດ+ ຫອມບົ່ວ+ ແລະ ຫອມເປ. ຄົນໃຫ້ເຂົ້າກັນ ແລະ ຊີມລົດຊາດຕາມໃຈ.

6. ເອົາຊີ້ນ ມາຈຸ່ມໃສ່ແຈ່ວ ຫລື ຊິເອົາຜັກ ກະລ່ຳ ຫລື ສະຫລັດມາພັນກະໄດ້. ກິນກັບ ນ້ຳເຢັນໆ ທີ່ມີຟອດ ເຂົ້າກັນເຂົ້າກັນ :)